AGB

Kursahmäudig

Ahmäudige chöi via Kontaktformular uf de Homepage, E-Mail, WhatsApp oder mündlich gmacht wärde. D Ahmäudig giut aus verbindlich. Dr Ihstiig i Kurs isch jederzyt möglich.

Kursabmäudig

Wenn du di nach em erschte Kurstag abmädugisch oder dr Kurs abbrichsch, si trotzdäm die volle Kurschöschte z zahle. Kurse chöi (z.B. bi Verletzige) unterbroche oder (z.B. vom Mäntig uf e Donnschtig) umbuechet wärde.

Wenn du mir es Arztzügnis bringsch, erstatt ig dir e Guetschrift für die bereits zahlte Kurse.

Kursabsage/Abwäseheite

Wenn du es 5er- oder es 10er-Abo glöst hesch, berächni dir lediglich die besuechte Kurstäg. Du chasch auso problemlos einisch ussetze (Ferie, Chrankheit, etc.) und wider ihsetzä.

Wenn du Einzulektione zauhsch, muess ig dir die verrächne - ou bi re churzfrischtige Absag.

Findet e Kurs ufgrund vo mire Abwäseheit nid statt, wirsch du rächtzytig via Homepage und WhatsApp informiert.

Versicherig

Auii Kursteilnähmende hafte für Unfäu, Sachbeschädigunge und Verluschte. Jeglechi Haftig vo rhythm&soul isch usdrücklich usgschlosse.

Media

Fotos und Videos vo de Kurse, Events, Workshops etc. chöi zu Wärbezwäche veröffentlicht wärde.